9 снежня наша краіна адзначае 125-годдзе з дня нараджэння класіка беларускай літаратуры Максіма Багдановіча, які быў геніяльным паэтам. А таксама самабытным празаікам – апавядальнікам і эсэістам, і непераўзыдзеным майстрам паэтычнага перакладу, і тонкім і бліскучым літаратурным крытыкам, і глыбокім вучоным-даследчыкам – заснавальнікам навуковай гісторыі беларускай літаратуры і мастацтва, і чуйным да пульсу часу, дасведчаным і перакананым публіцыстам, і нарэшце – выдатным мысліцелем. Ва ўсіх гэтых галінах творчай дзейнасці ён пакінуў спадчыну, якая па сённяшні дзень працягвае эстэтычна актыўнае жыццё.
Запрашаем усіх ліцэістаў і настаўнікаў 9 снежня прыняць удзел у мерапрыемствах, прымеркаваных да слаўнай даты ў нашай культурнай спадчыне: конкурсе літаратурных газет, конкурсе малюнкаў да твораў Максіма Багдановіча, гульні “Пазнай радкі вядомага паэта”, а таксама ў паэтычна-музычнай гасцёўні “Я хацеў бы спаткацца з Вамі…” |