Каляды ў нашым ліцэі – сапраўднае свята, якое чакаюць і да якога рыхтуюцца ўсе яго жыхары. Так адбылося і 13 студзеня гэтага года. Ініцыятарамі правядзення Каляд сталі вучні ХІ-ых класаў. Хлопцы і дзяўчаты ХІ “А”класа падрыхтавалі святочное прадстаўленне, якое нікога не пакінула абыякавым. І ў гэтым вы можаце пераканацца самі.
Вучні і вучаніцы ХІ “Б”, ХІ “В” і ХІ Г” класаў запрасілі ўсіх жадаючых наведаць “Калядны кірмаш”, дзе можна было набыць блінцы, аладкі, розныя прысмакі і духмяную гарбату. А таксама проста адпачыць, паслухаць беларускія народныя песні, далучыцца да вытокаў нашай культуры.
